التخطي إلى المحتوى

القلقاس بالخضار

مكونات القلقاس بالخضار

كيلو قلقاس
,4 ربطه من السلق
,كوب كسبره خضره مفروم
,كوب شبت مفروم
,6 فصوص ثوم مدقوق
, كسبره ناشفه
, شوربه
, ملح
, فلفل
, بهارات
,2 معلقه سمنه كبيره

خطوات – القلقاس بالخضار

1 – بتغسلى الخضره والسلق كويس وتقطعيهم صغير وتحطيهم على النار فى حله على النار لحد ما يدبل ويبدا يتحمر معاكى وتسمعى صوت خرخشه كده بتكون ميته نشفت
2 – بتحطى بقى معلقه سمنه وتقلبى وتكونى مجهزه توم مدقوق بشويه كسبره ناشفه و ملح وفلفل وبهاراتك وضيفيه عليه
3 – تاخد نص كميه الثوم وقلبى واركنيه على جنب قشرى القلقاس وتقطعيه مكعبات وتحطيه فى طبق غويط وتعصرى عليه ليمونه وتدعكيه كويس
4 – بعدين اشطفيه بميه سخنه كويس لحد ما تلاقى ميته بقت نضيفه ولونها عادى
5 – بتجيبى بقى الحله وتاخدى باقى الثوم اللى دقتيه بالكسبره و تحطى معلقه سمنه وانزلى بيهم فى الحله اللى هتعملى فيها القلقاس شوحيهم وانزلى عليهم بقى بالقلقاس وقلبيه تقلبتين
6 – وبعدين حطى الشوربه وسبيه بقى يستوى وبعدين ظبطى الملح واول ما يستوى حطى عليه الخضره وقلبى كده القلقاس بقى جاهز للتقديم بالف هنا
7 – ممكن تعملى جنبه رز ابيض او يتاكل بالعيش وسلطه

التعليقات

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *